കൊച്ചി: ഓണ്ലൈന് തട്ടിപ്പുകള് തിരിച്ചറിയാനും ചോദ്യം ചെയ്യാനും റിപ്പോര്ട്ട് ചെയ്യാനും ആളുകളെ സഹായിക്കുന്നതിനായി മെറ്റ തങ്ങളുടെ സ്കാം സേ ബചോ എന്ന പുതുക്കിയ ഡിജിറ്റല് അവബോധ പ്രചാരണം ആരംഭിച്ചു.
ഇന്ത്യന് സൈബര് ക്രൈം കോ-ഓര്ഡിനേഷന് സെന്റര് (ഐ4സി), സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യ (സെബി) എന്നിവയുമായി സഹകരിച്ചാണു പ്രചാരണം.
മുന്കൂര് ഫീസ് ആവശ്യപ്പെടുന്ന വ്യാജ ജോലി ഓഫറുകള്, ഗവണ്മെന്റ് അല്ലെങ്കില് നിയമനിര്വഹണ ഉദ്യോഗസ്ഥരെ അനുകരിക്കുന്ന ഡിജിറ്റല് അറസ്റ്റ് തട്ടിപ്പുകള്, ഉറപ്പ് നല്കുന്ന അല്ലെങ്കില് ഒറ്റരാത്രികൊണ്ട് വരുമാനം വാഗ്ദാനം ചെയ്യുന്ന വഞ്ചനാപരമായ നിക്ഷേപപദ്ധതികള് എന്നിവയുള്പ്പെടെ ഏറ്റവും പ്രചാരത്തിലുള്ള തട്ടിപ്പുരീതികളെക്കുറിച്ച് അവബോധം പകരുന്നതാണ് പ്രചാരണം.